Mánudagur...

blggerinn eitthvað bilaður í gær... kannski virkar þetta núna...

sem þýðir að enn ein helgin er liðin... sem þýðir að það styttist í jólin! ég áttaði mig nebbla á því í gær að það eru bara 4 vikur til jóla!!!! og ég á eftir að gera nánast allt... nema baka ;) er búin að því... en það er nú alveg nóg eftir... en það hlýtur að bjargast.. það gerir það yfirleitt alltaf ;) en mér sýnist að ég verði að vinna mjög mikið í desember mánuði.. opnunartíminn breytist eitthvað smá og svo á að vera opið tvo laugardaga í des, reyndar ræð ég því alveg hvort ég vinn eða ekki..en það er bara ágætt að fá smá meiri pening og það er ekki opið nema í 4 tíma... þannig að mér er í raun engin vorkunn...

Helgin var fín.... fór á smá vinnudæmi strax eftir vinnu á föstudaginn... átti von á að það yrði ekkert neitt voða gaman... en þetta var bara helling stuð.. hellt í mann látlaust þar til allt áfengið var bara búið... og við erum að tala um að það voru þarna í kringum 500 manns, þetta byrjaði klukkan 5 og mar gat drukkið eins og mar vildi... það var bjór, hvítt, rautt og gos... og það var ekki fyrr en klukkan níu sem fría áfengið var búið... þið getið rétt ímyndað ykkur magnið af áfengi! svo var haldið út að borða... og svo á stuðmenn á Players ;) ég fór sem sagt á sveitaball... að mér fannst.. lengst útí buska.. laugardagurinn var bara hinn rólegasti glápti helling á friends.. ætlaði bara vera heima og hafa það kósý.. en ákvað um miðnætti að kíkja á pöbbarölt með Kötu og Heiðbjörku ;) það var bara svona aldeilis fínt :) fórum á fullt af stöðum sem ég hef annaðhvort aldrei komið inná eða fer eilla aldrei inná... hitti fólk sem ég hef ekki hitt í langan tíma og skemmti mér bara virkilega vel :) Takk Kata og Heiðbjörk... þegar klukkan var orðin eitthvað um 5 fór mín á hesthúsið og hitti þar meira fólk sem er reyndar ekki svo langt síðan ég hitti en samt mjög gaman að sitja og spjalla :) var bara komin heim á skikkanlegum tíma og komin á fætur um 12 á sunnudeginum ;) Tók alveg ekta leti dag... fór varla framúr sófanum... nema bara til að skipta um spólu ;) alveg eins og þetta á að vera :)

Ég bara á ekki orð!!

hverju haldiði að ég hafi orðið vitni að í dag!! fertugur maður sem þekkti ekki muninn á debet og kredit kortum!!!! ég verð bara að segja að ég á ekki orð... þetta var eitthvað sem ég hélt að allir vissu... og sérstaklega ef mar vinnur í afgreiðslu á stað þar sem það er mjöööög algengt að fólk borgi með kortum!!! en þessi tiltekni maður var bara ekki alveg viss.. eins og hann orðaði það... en ég verð nú að segja að mér finnst mjög líklegt að hann hafi bara ekki haft hugmynd um að öll kreditkort eru með upphleyptum stöfum... en það er bara greinilegt að mar getur ekki gert ráð fyrir því að fólk viti svona hluti... nenni ekki að pæla í þessu meir.. verð nú samt að viðurkenna að mér finnst þetta mjög skrýtið og ekki laust við að ég hafi orðið frekar pirruð í morgun útaf þessu öllu... kannski var þetta bara dropinn sem fyllti mælinn??

En að öðrum málum... ef ég vildi þá gæti ég verið á djamminu nánast allar helgar hjá þessu fyrirtæki sem ég vinn hjá núna... síðan ég byrjaði, sem eru ekki nema rétt rúmir 3 mánuðir síðan, er búið að vera bjórkvöld, árshátíð Samskipa, árshátíð Landvara, kokteilboð og svo um næstu helgi er viðskiptamannaboð Samskipa og helgina þar á eftir er jólaglögg samskipa... svo einhverntíman í desember er jólglögg Landflutninga og ekki má gleyma jólamatnum sem verður líka einhverntíman í des... ! ég myndi segja að þetta væri bara nokkuð gott.. sérstaklega þar sem ég kem af vinnustað þar sem var ekkert svona.. það var jólahlaðborð og kannski einn hittingur yfir sumartímann... auðvitað hittumst við mun oftar en þetta var það eina sem var skipulagt og kostað af vinnunni. Þannig að ég er bara hálf hissa á öllu þessu og það sem mér finnst merkilegast er að það mæta alltaf mjög margir á allt þetta dót... ekki hægt að segja annað en að það sé bara mjög góður mórall hjá þessu fyrirtæki :) sem er náttla bara hið besta mál :)

Brrrr....

mikið var mér kalt þegar ég fór út í morgun!! þurfti nebbla að vakna alveg klukkutíma fyrr en ég geri venjulega... alltaf að gera góðverk ;) en þar sem ég var vöknuð og búin að gera góðverkið og ennþá tæpur klukkutími þar til ég átti að mæta í vinnuna á kvað ég að fara í ljós!! og mikið var það notalegt svona í myrkrinu.. og svo þegar ég var búin í ljósum þá var mér líka orðið svo hlýtt í kroppnum ;) sem sagt fín leið til að byrja daginn... en ég mæli nú samt ekki með því að fólk geri þetta á hverjum degi, það væri solldið óhollt fyrir húðina! en allt í góðu svona annarslagið :) svo fór mín bara heim horfði pínu á Bold and the beutiful og gerði mig reddý í vinnuna... solldið skondið þegar mar vaknar svona snemma.. ok.. kannski ekki snemma en fyrr en venjulega þá finnst manni eins og mar hafi verið að vakna alveg svakalega snemma! og ég verð bara að segja að mér finnst ég hafa verið mjög dugleg að druslast frammúr og út og gera góðverk dagsins fyrir klukkan hálf níu! nú fussar örugglega einhver... ég veit að hálf níu er ekkert sérstaklega snemmt en þegar það er tekið til greina að yfirleitt sef ég til níu þá er þetta bara nokkuð gott hjá mér ;)

ahhh... hlýtt :)

jább... þegar ég kom heim í gærkvöldi var loksins orðið hlýtt aftur hjá mér :) mikið var ég glöð... og varð þá líka hugsað til þess hvað það þarf í rauninni lítið til að gleðja mig... sem er í sjálfu sér mjög gott... er þakki bara ??
Annars var gærkvöldið mjög fínt.. kom heim í hitann kúrði mig uppí sófa og glápti á imbann þangað til ég gat ekki haldið augunum opnum lengur :) það var reyndar mjög takmarkað af góðu sjónvarpsefni í gær :/ það skemmti pínu fyrir... en þá tekur mar bara fram friends ;) sem sagt rólegheita helgi :) reyndar mjööög langt síðan ég hef tekið svona heila helgi í að slappa af og gera EKKERT!! ég var reyndar að velta því fyrir mér í morgun þegar ég vaknaði hvort ég ætti að kíkja í heimsókn einhvert... en ákvað að vera ekkert að skemma þema helgarinnar og halda bara áfram að gera ekkert ;) kannski...bara kannski ( ef mér fer að leiðast heil ósköp) þá geri ég eitthvað seinna í dag... en sýnist samt allt stefna í að þetta verði enn einn dagur letinnar ;)

Sálin eða Kiss???

Já þegar stórt er spurt!! í gær var sem sagt sálarball í kópavoginum... en Kiss á Gauknum... og þar sem mín gat bara ekki ákveðið sig þá fór ég bara að föndra, málaði þennan fína Rúdólf ;) þegar það var búið þá fór ég bara heim í kuldan.. já ofnarnir hjá mér ákváðu að ég þyrfti ekkert á hita að halda og fóru í verkfall!! þannig að ég sat heima glápti á tv undir teppum og reyndi að leiða þá staðreynd hjá mér að ég þyrfti að öllum líkindum að sofa í fötum!! En það slapp... þurfti bara að lúlla í sokkum ;)

Flöskudagur.. enn á ný...

Já vikan á enda.. og ég segi bara sem betur fer! hlakka til að komast heim og hlýja mér!! það er svoooooo kalt hérna niðrí vinnu... kannski er það ekkert skrýtið þar sem á mínum vinnustað eru yfirleitt allar hurðar opnar og fólk að koma inn og út eins og vitleysingar! en ég er búin að koma mér upp kerfi sem gerir það að verkum að ég lifi þennan kulda af ;) er með húfuna mér við hlið og hún fer upp í hvert skipti sem það er pínu rólegt.. eins með vettlingana ;) svo má ekki gleyma blásturs ofninum sem hlýjar mér á tásunum og svo er mar náttla í flísvesti og flíspeysu... og auðvita rúllukraga undir þessu öllu ;) vantar samt ullarnaríurnar og þá yrði ég góð ;) en þetta verður bara að duga...

Lalalalaaaaaa...

ég syng svoo fallega :) annars er bara fínt að frétta.. helgin var fín.. var bara róleg á föstudaginn.. þurfti að vesenast aðeins með pabba um kvöldið en var annars bara róleg :) laugardagurinn var tekinn snemma.. var vöknuð og komin útúr húsi klukkan 10!! það er náttla ekki heilbrigt :/ vesenaðist fullt og fór svo heim og lagði mig :) kíkti svo til mömmu í mat.. var að vera svaka góð að hjálpa henni að elda en í staðinn reyndi hún að sykurhúða mig!! þannig að ég er með brunasár á hendinni :( eftir þau ósköp hélt ég heim og fór í sturtu og gerði mig reddý til að kíkja á Kötu ;) stuttu eftir að ég kom þangað kom Heiðbjörk.. sem var bara pínu full!! bablaði og bablaði um eitthvað sem ég skildi ekki alveg allt.. sumt var solldið samhengislaust :/ þegar Kata var búin í sturtu þá röltum við af stað og fórum á Nýdönsk.. verð nú að segja að ég hef nokkuð oft farið á ball.. kannski ekki oft með Nýdönsk en.. þetta var mjööög rólegt.. vægast sagt.. en svo uppúr 2 fylltist allt af stuði.. samt var solldið svona róleg stemming yfir þessu öllu.. þegar ballið var búið röltum við yfir á Dubliner.. stoppuðum alls ekki lengi þar.. og héldum yfir á amster.. veit ekki afhverju ég enda alltaf þar! en jæja... það eru svo sem verri staðir til.. en allavegana hlít ég að hafa dansaði helling þar sem ég er ENNÞÁ með hassssperur!! kannski aðrar hreyfingar hafi komið þar við líka en aðallega dans!!

Sunnudagurinn var alls ekki góður... ég var komin á fætur um níu... ekki beint þunn en leið hálf skringilega... og jább.. mín komin með þessa líka fínu gubbupest! og þetta var sko engin þynnku gubbupest!! hélt ekki einu sinni niðri vatni!! eftir að hafa lést um örugglega 5 kíló af æli þá loksins hætti gubbið og minn leið bara ágætlega.. er reyndar ennþá solldið slöpp.. sofið ílla og er með hausverk :( en ég lifi það af ;)

Ein spurning... mig langar svo á jólahlaðborð.. en veit ekkert hvert ég ætti að fara?? einhverjar hugmyndir???

:)

já í dag er svo sannarlega ástæða til að brosa :) ég kíkti niðrá Mánabrekku í hádeginu.. (verð bara vera pínu væmin) og ég verð að viðurkenna að ég sakna stelpnanna sem ég var að vinna með þarna niðurfrá alveg heilan helling!! og svo við tölum nú ekki um krakkana... krakkar eru svoo innilegir og einlægir.. í þessi tvo skipti sem ég hef farið niðrettir síðan ég hætti finnst mér alltaf solldið erfitt að fara :/ langar alltaf að vera bara pínu lengur... og alveg finnst mér merkilegt hvað allir eru alltaf glaðir að sjá mann... eða láta mér allavegana líða þannig :) langaði bara að deila þessu með ykkur ;)

Helgin er alveg óráðin... læt ykkur vita þegar og ef eitthvað skemmtilegt gerist...

Frægð og ??

Já stundum er talað um að ná frægð og frama... ég fór ð velta fyrir mér hvaða mælikvarði er á það hvort mar er orðin frægur??? ætli það sé eftir því hversu margir þekkja nafnið manns eða hafa heyrt um mann.. eða hvort maður hefur gert eitthvað sem margir hafa heyrt um eða af??

Ef það er mælt í hversu margir hafa heyrt nafnið manns.. eða þekkja það þá er í rauninni nóg fyrir mann að fara inná allar þær bloggsíður sem mar finnur og skrifa þar í gestabók eða commenta á eitthvað... þá er nafnið manns komið þar á "blað" og fullt af fólki sem sér það!! þá er mar orðin frægur ;)
aftur á móti ef frægð er mæld eftir því hversu margir þekkja til verka manns... þá ætti að vera nóg að gera eitthvað afskaplega heimskulegt og koma sér í blöðin þannig.. skemmt er að minnast gaursins sem klifraði uppá höllina í UK í batmannbúningi.. það muna nú flestir eftir honum þó að það viti kannski ekki margir hvað hann heitir :/ sjáið bara hvernig Fjölni tókst að gera sjálfan sig frekar vel þekktan hérna á klakanum! var bara endalaust í séð og heyrt... það þurfti ekki meira til...

Þannig að það ætti að vera nóg að gera eitthvað bjánalegt sem allir koma til með að muna eftir og fara svo á netið og koma því á framfæri hvað mar heitir og kannski segja í leiðinni frá bjánalega hlutnum sem mar gerði og þá ættir mar að vera orðin nokkuð vel þekktur :)
Bara svona fyrir þá sem eru endalaust að sækjast eftir frægð.... veit ekki hvort ég get eeitthvað hjálpað með framan... á eftir að pæla aðeins í því :)

Fyllerí!!!

já.. mín var eilla bara full alla helgina :) kokteilboð á föstudeginum... sem endaði með svaka fylleríi niðrá hótel sögu og svo var kíkt á Hljóma á Kringlukránni... var reyndar komin heim eitthvað um tvö leytið... mjög drukkin og búin að skemmta mér rosa vel ;) svo var ég vöknuð klukkan tíu á laugardaginn.. kíkti aðeins með mömmu í hagkaup og fór svo heim að leggja mig.. svo var það bara að gera sig reddí fyrir hátíðina um kvöldið.. var komin niðrá hótel rétt um 6 þar sem drykkjan hófst á ný... var nebbla boðið í fordrykk uppá herbergi hjá vinnufélaga ;) svo var klukkan orðin rúmlega 7 og við fórum niður að mingla og bíða eftir góða matnum.. eftir um það bil klukkutíma af mingli var byrjað að bera á borð þennan líka dýrindis mat :Þ humarsúpa í forrétt, lambalundir (alveg svakalega góðar) í aðallrétt og einhversskonar súkkulaðimús með vanillu og meira súkkulaði og svo jarðaberjum í eftirrétt :Þ meeeen hvað þetta var góður matur!! þá voru það skemmti atriðin og svo ballið... dansaði fullt.. minglaði fullt og drakk fullt :) borðaði æðislegan mat og allir í gúddí fíling :) þetta var bara brilljant helgi :D Ekki laust við að mar sé pínu þreyttur eftir allt þetta djamm... en það er sko bara alveg þess virði ;)

Þá er komið að því!!!

Árshátíðin á morgun!! ekki nóg með það heldur er kokteilboð í kvöld ;) í boði Heklu... skilst að mar verði bara mæta þangað..nóg verði af fljótandi veigum og puttamat ;) læt það nú ekki framhjá mér fara... svo held ég að planið sé að kíkja niðrí bæ og fá sér einn eða tvo áfenga drykki þar :) held nú samt að mar verði að passa sig svo mar verði fullur af orku.. ekki bara fullur á morgun fyrir hátíðina sjálfa ;) á morgun er svo planið að vakna mátulega snemma og taka því rólega þar til undirbúningur hefst... það þarf að lakka neglur viðra föt og náttla fá sér aðeins í glas. Svo held ég að mar kíki bara niðrá hótel þar esm allt skemmtilega fólkið verður og fái sér aðeins meira í glas.. svo er það bara maturinn... og það er ekkert smá girnilegur matseðill :Þ so er planið bara að tjútta frammá nótt :)

Árshátíð...

já.. um næstu helgi er ég að fara á Árshátíð... mína fyrstu í solldið langan tíma :/ fór reyndar á löggu árshátíðina (held að það hafi verið í fyrra frekar en 2002) með Ellen og Dóru.. en hef ekki farið á vinnu árshátíð í 4 eða 5 ár!! en ég var að pæla.. afhverju heitir þetta árshátíð?? ef það er vegna þess að mar er að halda uppá árið ættu árhátíðar að vera haldnar um áramótin...en raunin er sú að flestar hátíðar kenndar við ár.. eru haldar að hausti eða snemma árs... þá spyr ég afhverju ekki að halda hausthátíð og svo bara vorhátíð... inná milli kæmi náttla þorrablót og svo er mar á fullu að djamm á sumrin þannig að það þarf enga hátíð þá.. hvað segiði um þetta??? með þessu móti fáum við tvær "árshátíðir" nema bara með öðru nafni... svo er það náttla blessaða þorrblótið... og sumardjammið... þá erum við komin með hátíð á hverri árstíð ;) en nóg um það....

Núna er málið það að ég verð að finna mér eitthvað að fara í á þessa blessuðu árshátíð :/ sem er sko ekkert auðvelt!! hvort á mar að far í kjól, pilsi eða buxum?? ég er reyndar ekki þessi kjólatýpa... sem þýðir að ég fer annaðhvort í buxum eða pilsi... pils eru svo sem ágæt... nema þá vantar mig skó til að vera í :/ og ég held að allar mínar vinkonur noti stærri skó en ég þannig að ekki get ég fengið skó hjá þeim... og þá eru það buxurnar... mar er náttla alltaf frekar fínn í flottum svörtum buxum og einhverjum flottum topp...skyrtu eða einhverju sollis... þannig að ég huxa að þetta endi með að ég fari í buxum... nema, ég rekist á eitthvað voða fínt í skápnum hjá henni Olgu eða Ellen... ætla nebbla að fá að róta í fötunum þeirra til að athuga hvort að ég finn ekki eitthvað til að fara í ;) þá ættu fötin að vera komin...

púff.. stundum er svooooo mikið vesen að vera stelpa!!

Mánudagur til mæðu???

Ekki er ég nú sammála því að mánudagar séu til mæðu... kannski stundum en ekki alltaf.... þessi mánudagur er til dæmis bara alveg ágætur en sem komið er :) það var reyndar pínu erfitt að vakna í morgun en það hafðistá endanum ;) fór meira að segja í sturtu og náði samt að vera mætt mjög tímanlega í vinnuna ;)

þá er það helgin... föstudagurinn var bara rólegheit eins og vanalega... það reyndar greip mig alveg svakalegur djammpúki á föstudeginum en klukkan níu um kvöldið var hann alveg farinn þannig að ég var bara heima að slappa af :) laugardagur... vaknaði óvenju seint.. eða klukkan tíu!! var mjög hamingjusöm með það.. fór þá til múttu að nota saumavélina, svo dugleg :) lagaði tvennar buxur og einn kjól ;) ætlaði reyndar bara laga einar buxur.. en þegar ég var sest við vélina kom litla sys með buxur sem þurfti að laga pínu og mamma með kjól sem þurfti aðeins að laga.. mar gerir það auðvitað með glöðu geði :) eftir saumið horfði ég á Bóld and ðe bjútíful með mömmu.. alveg merkilegt hvað þessi sápa er ílla leikin.. samt er þetta vinsælasta sápan í heiminum!!! las einhversstaðar að 450 milljónir!!!! manna horfðu á þetta á hverjum degi um allan heim... svo var bara komið að því að gera hárið á mömmu fínt og skella á hana smá andliti því settið var að fara á árshátíð... þegar þau voru farin og ég var búin að gefa gríslingunum að eta þá hélt ég loksins heim á leið til að fara í sturtu og gera mig sæta :) fór svo að hitta Kötu og Heiðbjörku.. við fórum á glauminn... þar var ENGINN!!! á gríns þá voru bara við þrjár og staffið stoppuðum þar þangað til mál var komið að kíkja á Stuðmenn ;) og mikið var það gaman!! dansaði allan tímann eins og ég ætti lífið að leysa... svo þegar ballið var búið þá fórum við ásamt nýju vinunum okkar á Dubliner... man ekkert hvað við stoppuðum lengi þar... svo var það amster þar sem ég sat til 7.. þá var ég alveg búin á því og fór hjem... eldaði mér samloku og sofnaði svo yfir friends :D rosalega skemmtilegt kvöld :) alltaf gaman þegar mar er ekki búin að plana neitt og skellir sér bara út :)
Sunnudagurinn var svo leti dagurinn mikli... vaknaði eitthvað um hádegi... fór ekki framúr fyrr en klukkan 3 :) glápti á imbann þangað til ég fór í mat til mömmu og svo aðeins meira imbagláp og svo bara lúll :)