Ætlar enginn að koma memm !?!?!

Ég trúi því ekki að það langi engum að koma memm á sálina á Akureyri um næstu helgi !! Ég er nebbla eilla alveg komin á það að skella mér norður ;) mar verður að styðja við bakið á sínum manni ;) Þannig að núna er bara spurning hver ætlar að koma með mér og hvenar við eigum að leggja af stað norður :)

Föstudagur.. aftur..

það er komin föstudagur..aftur!! tíminn er farinn að líða aðeins of hratt fyrir minn smekk !.. með þessu áframhaldi verður kominn vetur aftur eftir bara smá stund :( en ég er nú svo sem búin að gera fullt í sumar þannig að ég er alveg góð ;)
Á dagskránni framundan er að gera eitthvað svaka skemmtilegt um verslunarmannahelgina, fara í skemmtiskokkið á menningardaginn, kíkja jafnvel á gaypride og svo bara þetta venjulega :) mar verður að passa að láta sér ekki leiðast ;)

Annars engar fréttir.. ekki merkilegar allavega. Væri alveg til í að fá einhverjar stórskemmtilegar hugmyndir um hvað ég á að gera af mér um versló.. !! Frétti að sálin yrði á Akureyri..væri alveg til í að skella mér á gott sálarball ;) er einhver memm ?

og að lokum..þá á hún Dóra mín (a.k.a Glimmergellan) afmæli í dag og ég óska henni auðvitað alveg fullt til hamingju með daginn :D

komin heim :)

Akureyri búin.. og var alveg svakalega næs ;) get ekki sagt annað að ég sé búin að ferðast fullt þetta sumar miðað við mörg önnur ! tókum nebbla smá ródtripp á mánudaginn síðasta og komum við á Dallas city, Ólafsfirði og auðvitað Siglufirði :) svo fórum ég og Dóra á miðvikudaginn í aðeins stærra ródtripp og brunuðum alla leið á Egilsstaði og fyrst við vorum komnar alla leið þangað var ekki annað inní myndinni en að fara uppá Kárahnjúka (mæli með því að fólk renni þangað áður en þetta fer á kaf.. solldið magnað) og auðvitað koma við í Atlavík og svo sýndi ég Dóru húsó ;) Já.. Akureyri alltaf næs.. gerði nú ekki mikið á meðan ég var þar.. kíktum smá á djammið á föstudeginum.. og svo var það bara lesa, glápa, borða..aðallega berniessósu ;) og hafa það svaka kósý.

Svo er bara komin heim og hversdagleikinn byrjar á mánudaginn.. en bara í smá stund vegna þess að ég er aftur í fríi um versló ;)

Vill blogg agen sún..

p.s. setti nýjar myndir af ferðalaginu :)

Ródtripp númer 2

Á morgun hefst ródtripp númer 2 :) planið er að leggja af stað stundvíslega klukkan 9 og vera komin norður uppúr kl 13 ;) ég verð væntanlega ekki mikið í netsambandi þessa vikuna sem ég verð í sveitinni en ætla nú samt að reyna komast smá til að segja ykkur hvað er gaman að vera á agureiris ;) Svo bara ef einhver á leið þarna hjá þá bara endilega vera í bandi :)

bæjó litlu lömb og vonandi hafiði þið það gott :)

p.s. ef ykkur vantar lykilorðið inná myndirnar bara senda sms ;)

Nýjar myndir ;)

var að setja inn nýjar myndir.. frá Höfn og ródtrippinu á heimleiðinni :)

allt að gerast..

Helgin búin, gerði nú mest lítið.. laugardagurinn fór í að hjálpa múttu að gera eitthvað sveppamauk fyrir ammæliskaffi... fór í ísbíltúr með Kristjáni frænda sem var svo indæll að bjarga mér frá því að drepast úr leiðindum heima hjá mér. Svo kíktu Ellen og Dóra til mín um kvöldið, ég og Dóra fengum okkur bjór á meðan Ellen gæddi sér á ekta íslensku vatni ;) við kíktum svo á players þar sem var ágætis slatti af solldið skrýtnu fólki.. en alveg ágætt bara, stoppuðum reyndar alls ekki lengi.. bara nógu lengi til að dansa smá :) Á sunnudaginn fór ég með Dóru að borða smá.. fórum í sund og lékum okkur eins og litlu börnin ;) og ég er bara öll rauð eftir sólina sem skein alveg svakalega mikið í gær. Eftir þetta var ammæliskaffi hjá litla bróðir og svo var það fótboltinn.

Ítalía réttilega sigurvegarar og Zidane kosin besti leikmaður mótsins.. get ekki sagt að hann eigi það skilið eftir að hann stangaði mótherja sinn í brjóstkassann.. en nóg um það.

Eftir 4 daga fer ég í annað ródtrippið mitt á þessu ári og í þetta sinn er það Akureyrarbær sem er svo heppinn að vera fá mig í heimsókn ;) og reyndar ekki bara mig heldur alla gleðikonusveitina ;D við ætlum að vera í heila viku þarna og hafa það ekkert smá næs allan tímann.. við vorum að pæla í renna á Siglufjörð í heimsókn og jafnvel Egilsstaði líka.. ég veit að mig langar að fara á báða staði og hugsa að ég geri það :) svo kíkir mar náttla á Ingibjörgu (ef hún er heima) og svo held ég að Sylvía verði á Dalvík og þá er aldrei að vita nema mar kíki á hana líka. Ooohh.. þetta verður gaman.. liggja og slappa af.. lesa fullt af bókum og fá sér pulsu með kokteilsósu ;)

þá er sumarplanið eiginlega búið í bili.. nema mar láti verða af því að fara á fiskidaginn mikla á Dalvík eftir versló.. alltaf nóg að gera.

Föstudagsþreyta..

En vel þess virði :) skellti mér í gær á Victor með Hauk, Kristjáni, Ellen og Dóru.. og mikið var gaman hjá mér ! Pétur og Matti sáu um stuðið og voru frábærir að vanda ;) var komin alltof seint uppí rúm.. þess vegna öll þreytan en mar er náttla svoddan hörkutól að það er sko ekki mikið mál !! Núna er bara næsta verkefni að finna útúr því hvað mar á að gera af sér í kvöld og annaðkvöld..

Hvað fannst ykkur ?

Jæja.. þið sem vöktuð til að glápa, hvað fannst ykkur um Rockstar.. ? Hvernig fannst ykkur Magni standa sig ? Mér fannst þátturinn fínn.. margir mjög fínir söngvarar þarna og nokkrir sem áttu alls ekkert að vera þarna. Mér fannst eiginlega hálf vandræðalegt að horfa á hann Magna.. fannst skína af honum stress og það var eilla bara solldið eins og hann vissi ekkert hvernig hann ætti að vera, og ekki var lagið alveg að virka..fannst mér. En ég hef trú á honum og vona bara að hann detti ekki út alveg strax svo hann fái tækifæri til að sýna hvað hann getur ;)

Svo var ég að velta fyrir mér hvað á að gera um helgina..? þetta er nebbla ein af örfáum helgum í sumar sem er ekki neitt plan fyrir, pínu pælingar um að skella sér uppá skaga á Lopapeysuna..efast samt um að það verði eitthvað af því, þannig að það er alveg spurning um að vera bara heima og kannski bara grilla og gera eitthvað skemmtilegt :)

Stjörnuspáin í dag..

HRÚTUR 21. mars - 19. apríl

Þú munt fá ánægju af því að gera nokkuð sem þú hefur aldrei gert áður. Ástin mun kvikna í skugganum, mögulega í daðri við tvíbura. Þú hefur líklega ekki hugmynd um að þessi manneskja hugsar mikið um þig.


Hljómar ekki ílla.. kannski það fari eitthvað spennó að gerast !!

svona var þá að fara á lööbsterfestíval..

Halló halló.. þá er mar komin aftur í borg óttans eftir helgi á Höfn og mikið svakalega var skemmtilegt :D

Við Dóra lögðum af stað í ródtrippið okkar stundvíslega klukkan 9 á laugardagsmorgun og vorum komnar á Höfn klukkan 14:05.. þá var nýja fína tjaldinu skellt upp, búið um og svo farið að hitta krakkana sem voru að fá sér að borða þarna rétt hjá. Kíktum í smá heimsókn til ammælisbarnsins (fengum æðislega góða humarsúpu !!) tókum svo smá labbitúr um bryggjuna og drifum okkur svo uppí fína tjaldið þar sem fyrsti bjórinn var opnaður ;) Þá tók við smá stelpuvesen, gera sig sætari fyrir kvöldið.. svo var bara farið í ammæli þar sem beið okkar fuuulllt af mat og áfengi.. ég smakkaði í fyrsta skipti þetta kvöld dádýr.. það var alveg gott en fékk svakalegt samviskubit yfir því að hafa verið að borða Bamba :( það var líka humar og skötuselur..mmm ekkert smá gott ! svo var allskonar pasta og bara svona venjulegt grillkjöt, sem sagt svaka veisla ! þarna var svo spilað á gítar, sungið, spilað kubb, dansað, spjallað, drukkið og borðað langt fram eftir ;)

Skelltum okkur svo á alvöru sveitaball í íþróttahúsinu þar sem Á móti sól var að spila. Þetta ball var með þeim skemmtilegri sem ég hef farið á.. en það er eilla bara henni Dóru að þakka.. hún missti sig í dansgleðinni og sló gjörsamlega í gegn.. það er ekki hægt að lýsa þessu með neinum orðum.. en ég lá á tímabili í gólfinu vegna þess að ég gat ekki staðið í lappirnar af hlátri ! Dóra þetta var ÆÐISLEGT! en eftir allan þennan dans þá var mar nú orðin ansi sveittur og hvað er þá betra en að fá sér sund sprett í sjónum?? það fannst mér og Dóru allavegana alveg svakalega góð hugmynd.. en engum öðrum :( þannig að við fórum bara heim í tjald og hlógum alveg svakalega mikið bæði á leiðinni heim og þegar við vorum komnar.. veit ekki alveg að hverju við vorum að hlægja en mikið svakalega var þetta gaman !

Viðurkenni alveg að heilsan var ekki góð þegar ég vaknaði á sunnudeginum og skánaði ekkert þegar ég mundi að ég hafði drukkið hálfa brennivín dræ !! úff púff.. en mar er nú orðin ýmsu vön þannig það var bara rifið sig á lappir og farið og fengið sér að borða. Þar hittum við Hauk og Kristján sem höfðu komið um nóttina og við sátum og spjölluðum heillengi ákváðum svo að fara á smá rúnt um bæinn, sá rúntur endaði svo með því að það var ákveðið að fara í þórsmörk á leiðinni heim.. Dóra hafði sko aldrei komið þangað ! Eftir stuttan bíltúr um næsta nágrenni Hafnar, fórum meðal annars upp að Almannaskarði..keyrðum í gegnum göngin og fórum þarna upp á einhvern útsýnispall, ekkert smá flott ! Þá var bara brunað af stað í þórsmörk.. reyndar með stoppi á Jökulsárlóni, Þjóðgarðinum Skaftafellli og bensín stoppi í Fagurhólsmýri. Marteini var svo bara lagt við afleggjarann, við hoppuðum uppí bíl til strákanna og við tók rallýakstur inní mörkina.. þar komumst við öll í einstaklega mikla nánd við náttúruna (híhí..smá einkahúmor) . Þessi þórsmerkur verður án efa sú eftirminnilegast af þeim sem ég hef farið í hingað til :) Þegar við vorum búin að komast í tengls við náttúruna héldum við áfram á Hvolsvöll fegnum okkur smá að borða og svo bara brunað heim.

Þessi ferð var alveg svakalega skemmtileg :D fór á marga staði sem eru alveg svakalega fallegir og var með einstaklega skemmtilegu fólki.. þetta var ÆÐISLEGT!!