Stundum of mikið.. en það reddast

Jæja.. þá er bakið farið aftur :( ég sem hélt að bootcampið væri allra meina bót.. svo er víst ekki.

Í nokkra daga er ég búin að vera drepast í bakinu.. alveg með stöðugan sting í mjóbakinu og hann er ekkert að lagast :( fór til sjúkraþjálfara á föstudaginn og úff.. sú læt mig aldeilis heyra það !! spurði hvort ég væri algjörlega búin að missi vitið.. ég hélt nú ekki og spurði hvort væri skárra að vera í bootcampinu eða gera ekkert.. þá viðurkenndi hún að bootcamp væri skárra en að liggja heima í leti alla daga, benti mér líka á að það væri eitthvað til sem heitir "millivegur" og las svo aðeins meira yfir mér. Ég læt það ekki stoppa mig.. kannski aðeins hægja á mér, verð víst að fara sætta mig við að ég get ekki lengur gert allt sem mig langar til án þess að það hafi einhverjar afleiðingar :( og yfirleitt ekki góðar.

Fyrir utan þetta vesen er allt gott af mér að frétta ;) kíkti í bíó á föstudaginn, fór að sjá mýrina.. mæli með henni alveg hiklaust, var rosa góð. Á laugardaginn kíkti ég smá út á lífið, var nú bara stillt og áfengisdrykkja og ólæti í algjöru lágmarki. Sunnudagurinn var eins og sunnudagar eiga að vera, rólegheit allan daginn :)

Svo er Villibráðin næstu helgi :P hlakka til.. hef aldrei farið á svona hlaðborð og er solldið spennt að smakka allan þennan mat. Eina villibráðin sem ég hef smakkað er hreindýr (það var fyrir tæpum 10 árum) og svo dádýr núna í sumar, held þá að það sé upptalið. Vona bara að ég verði orðin eitthvað betri í bakinu svo ég njóti þess nú eitthvað að sitja og borða svona mikið :p

Hvað er að gerast ?!?!

Ég veit ekki til þess að mér hafi nokkurn tíman verið lýst sem manneskju með brennandi áhuga á því að hreyfa mig en ég held að það fari bráðum að breytast... eftir ekki svo langan tíma eigi þið kannski bara eftir að heyra setninguna "ææ Bengta.. þú veist þessi sem er alltaf úti að hlaupa" í morgun gerðist það nebbla að ég fór út að hlaupa/skokka og þetta er í annað sinn á ekki svo löngum tíma sem ég geri þetta alveg ótilneydd. Fyrra skipti var meira segja á föstudagskvöldi ! Þetta bootcamp er greinilega að hafa góð áhrif á ekki bara líkama heldur sál og almenna nennu ;)

Eftir öll þessi hlaup var ég með svo mikið af orku sem ég þurfti eitthvað að gera við þannig að ég tók til.. og núna er allt soo hreint og fínt heima hjá mér :) ilmar allt af hreinlæti.. nema ég.. hugsa að það sé alls ekki góð lykt af mér eftir hlaupið og þrífið :/ fer í það að bæta úr því eftir smá. Það er líka eitt sem útiveran í morgun og þrífið rétt í þessu hefur gert.. kallað fram djammpúkann ógurlega ! gæti mögulega verið að veðrið hafi eitthvað með þennan púka að gera líka, alveg frábært veður !! Þið látið ykkur sem sagt ekkert bregða ef þið rekist á mig eða fréttið af mér niðrí bæ á djamminu í kvöld :)

Segi bara góða helgi og vonandi eru allir jafn kátir og ég á þessum fallega degi ;)

Komið svart á hvítt

jaaa.. eða svart á grátt.. var sem sagt að fá meil frá búútkamp þjálfurunum þar sem árangurinn á síðasta námskeiði stendur svart á gráu og ég get ekki verið annað en mjög ánægð með þessar tölur. Var búin að segja ykkur frá sentimetrunum og fituprósentunni en ekki frá útkomunni úr þrekprófinu og þolprófinu, ég bætti mig um 125 % í armbeygjum og 188 % magaæfingum :D og síðast en ekki síst 62,5% í þolprófinu.. ef þetta heldur svona áfram þá verð ég orðin algjör íþróttaálfur innan skamms :)

svo gaman :D

Þá er ein árshátíðin búin og ég verð bara að segja að þetta kemst sko alveg í topp 5 af skemmtilegustu árshátíðum sem ég hef farið á. Ekkert nema gaman, skemmtilegt fólk, góóóóður matur (MmMmmmMmm), fyndin skemmtiatriði, góður veislustjóri og góð hljómsveit.. hvað getur maður beðið um meira ?? Ég er bara alveg rosalega ánægð með allt í sambandi við gærkvöldið, kvöldið byrjaði á að við í deildinni hittumst heima hjá Birnu (deildarstjóra) fengum okkur smá í glas og spjölluðum, svo var auðvitað ferðast með stæl, limmi sko ;), yfir í Gullhamra þar sem tók á móti okkur rauður dregill og búbblí :D svo var bara minglað smá og sest til borðs.

Maturinn.. mmMmMmMmm.. í forrétt voru fylltar pastaskeljar og úfff hvað það var gott, þær voru sko fylltar með humri og krabbakjöti :þ Aðalrétturinn var nautasteik með kartöflu og grænmeti, það að elda nautakjöt ofaní 510 manns getur ekki verið auðvelt þannig að þessi kokkur er einhverskonar snilli vegna þess að þetta kjöt var bara gott og ekkert annað !! eini gallin við það var að ég fékk aaallltooof stóran bita og gat engan vegin klárað :( Í eftirrétt var sona heit brání með ís, ég reyndar borðaði ekki minn (alltof södd) en skilst að hann hafi alveg verið í stíl við hinn matinn, sem sagt ofur góður ;)

Þegar borðhald var búið var smá verðlaunaafhending fyrir bootcampið og við öll (sem vorum í þessu) kölluð uppá svið og tókum þar nokkrar léttar æfingar við mikinn fögnuð veislugesta ;) Sambandið (húsband Samskipa) tók nokkur lög og svo var komið að skaupinu "gerum það saman" og ég er í dag með hasssperur í kinnunum og kjálkanum eftir þetta hló svoooo mikið. Ballið byrjaði með miklum látum og held ég hafi sjaldan séð dansgólf fyllast svona hratt.. svo var bara dansað, minglað og dansað aðeins meira fram eftir nóttu :)

Árshátíðarnefndin á skilið mikið hrós fyrir þessa hátíð og Múlakaffi á skilið mikið mikið hrós fyrir góða matinn :)

Núna get ég varla beðið eftir næstu hátíð sem er þann 11. nóv, bara 3 vikur þangað til en mætti sko alveg vera bara næstu helgi..

Dagurinn í dag fer í að glápa, fyrst fótbolti, leikur í gangi akkúrat núna :) svo formúla seinnipartinn.. yndislegt :D

Góðar fréttir !!

Ég get fullyrt um það að Bootcamp virkar ! var að koma úr mælingum.. og fékk aldeilis góðar fréttir :) búin að minnka samtals um 10 sentimetra erum mæld á 4 stöðum og fituprósentan minnkað um 3,5% og á aðeins 30 dögum !! :D ekki leiðinlegt það.

Allir nema ég :(

Finnst eins og það séu allir nema ég að fara til útlanda :( held ég verði að bæta úr því.. auglýsi hér með eftir ferðafélaga, geri ekki miklar kröfur, hann/hún verður að vera skemmtileg(ur) og má ekki hrjóta hátt og mikið (smá alltí læ) það er nú allt og sumt.. og jú hinn heppni verður eilla líka að hafa gaman af að drekka bjór í hóflegu magni :D þetta ferðalag mitt kemur til með að eiga sér stað einhvern tíman á næsta ári, ekkert nánar planað. Veit bara að mig langar til útlanda :D

of erfitt stundum :(

Að vera stelpa/kona getur stundum verið erfitt.. allskonar vesen sem mar þarf að standa í, en þegar árshátíða sísonið kemur þá er þetta bara alltof mikið vesen, í hverju á mar að vera, hvaða skór passa við, skartgripir, hár, litun, plokkun.. arg.. of mikið ! Ég nebbla er ekki alveg nógu mikil stelpa til að standa í þessu öllu :/ Finnst t.d ekki mjög þægilegt að vera í síðkjól, pils sleppur alveg en þá vantar mig eitthvað að ofan og svo mesti og stærsti höfuðverkurinn í þessu öllu..skór.. hvernig stendur á því að það er hvergi hægt að finna flotta pæjulega skó sem eru ekki með 7000 sentimetra hæl !! hvað er málið með það ?? er ekki alveg tilbúin að fórna á mér fótunum fyrir eitt kvöld í úberpæjuskóm :/ en hugsa að það endi með því.

En svo er nebbla annað í þessu, ég er sko ekki bara fara á eina árshátíð, neinei ég fæ að gera þetta allt tvisvar :D getið rétt ímyndað ykkur hvað ég er kát með það. En burtséð frá öllu þessu veseni þá hlakka ég ekkert smá til næsta laugardag þegar Samskipa árshátíðin er og ennþá meira til 11. nóv þegar Landvara hátíðin er.. get varla beðið :D

Allir að kvitta :)

var að setja inn gestabók.. á reyndar eftir að finna út hvernig ég get lagað staðsetninguna.. en langar að allir kvitti í hana svo ég sjái hverjir það eru sem kíkja hérna við :)

Takk takk :D

held barasta ekki :)

jæja.. var að koma heim af bootcamp æfingu nr 11 sem þýðir að það eru bara 4 eftir.. og þessi tilfinning einhversskonar samblanda af létti, þreytu, ánægju og tilhlökkun, sem kemur eftir að hafa tekið virkilega vel á því á æfingu, er svo góð að ég bara held að hún sé engu lík ! En þessi tilfinning er auðvitað það sem gerir það að verkum að mar druslast á næstu æfingu og getur eilla ekki beðið :)

mest af öllu !

Ég reyni eftir framsta megni að ekki leyfa fólki að fara í taugarnar á mér.. en það eru nokkrir hlutir sem bara pirra mig endalaust og það er ekkert sem ég virðist geta gert til þess að hætta láta þessa hluti fara í taugarnar á mér, og fyrir ykkur sem viljið vita hvað þetta er svo þið getið forðast að pirra mig ;) þá er listinn eftirfarandi..

• Þegar fólk stendur ekki við það sem það segir, alveg óþolandi !!!!
• Þegar fólk biður mann um að gera eitthvað fyrir sig og segir svo ekki einu sinni takk !!
• Þegar fólk sem ég þekki ekki er dónalegt við mig af engri ástæðu !
• Skipulagsleysi, getur pirrað mig alveg svakalega mikið !

Svona er nú þessi listi.. ekki mörg atriði.. en alveg fer í mínar fínustu og getur gert mig alveg brjál, sérstaklega þegar fólk stendur ekki við það sem það segir, skil ekki sollis.. alveg sama hvað ég reyni. En þá vitiði það og kannski viljið deila því með mér hvað það er sem fer í ykkar fínustu...

Bjakk

Gubb er ógeð ! held að allir séu sammála mér í því...


Af gefnu tilefni.. smá tilkynning..híhí

.. Bengta er ekki hætt að drekka.. fólk virðist setja solldið samasem merki á milli búútkampsins og þess að ég sé hætt öllum ólifnaði.. ætla því hér með að leiðrétta þann misskilning, er ekki hætt neinu.. bara gera meira af hollustu og minna af óhollustu ;) þannig að það þarf enginn að örvænta.. held að ég hafi sjaldan verið jafn mikið spurð að því hvort ég sé bara hætt "öllu" (eins og það var orðað) en undanfarna daga..híhí.. þannig að hér með hefur þessu verið komið á hreint og vonandi allir kátir með það :)

vikan búin..

Tíminn heldur áfram að rjúka framhjá mér án þess að ég taki eftir því :/ er búin að vera voða daga rugluð alla þessa viku, vaknaði á þriðjudaginn og hugsaði "mmm.. laugardagur" en nei.. þá var bara þriðjudagur ! á miðvikudaginn fannst mér allan daginn eins og það væri mánudagur og í dag er solldið fast í mér að það sé fimmtudagur :/ en mér til mikillar gleði er loksins kominn föstudagur sem þýðir að laugardagur er bara á morgun :D

Hvað haldiði.. frí í Búútkamp.. á morgun. Kom mér á óvart hvað ég varð svekkt þegar ég heyrði það :( en ætla bara í staðinn að fara sjálf í ræktina og gera eitthvað skemmtilegt :)

Planið um helgina er svo að kíkja í smá kúnnaboð hérna í vinnunni í kvöld/dag byrjar kl 17:30 restin af kvöldinu óákveðin, veit ekkert með morgundaginn nema að ég ætla í ræktina eða sund ;)

Og þá eru fréttirnar af mér komnar í bili..

Tími nr 6

Er ennþá á fullu í búútkampinu.. hef sko alveg lúmskt gaman af þessari geðveiki ;) í dag voru það handleggir og maginn sem voru teknir fyrir.. og auðvitað vorum við látin hlaupa líka.. væri ekki alvöru bootcamp ef það væru engin hlaup.. er annars bara kát.. farin að hlakka til að sjá árangurinn af öllu þessu erfiði ;) á reyndar ekki von á því að léttast neitt.. enda var takmarkið með þessu að auka þolið.. það er til skammar hvað ég er í vondu formi :/ er alveg ágætlega sterk.. get lyft lóðum og svona.. en jjíííííssss hvað er erfitt að hlaupa svona um eins og ansi.. ekki nógu gott...ætla sem sagt að bæta úr því, gengur ekki að vera svona á sig komin. Þessi góða tilfinning sem kemur eftir góða og erfiða æfingu gerir líka kraftaverk fyrir sálina..þannig að það er bara allt á réttri leið ;)

Fyrir utan þetta er nú afar lítið að frétta.. allt í góðu bara.. engar fréttir góðar fréttir ;)

Sólríkir sunnudagar ;)

Kominn sunnudagur aftur..mm.. æ lov sunnudagar :) finnst þeir alveg hreint yndislegir og sýnist á öllu að þessi verði engin undantekning þar á. Planið hjá mér er eins og flest sunnudaga, gera ekkert ;) glápa á formúluna og fá mér eitthvað gott að borða.. það er allt sem er á dagskránni fyrir þennan sólríka sunnudag :)

Er einhver hér sem hefur farið á Villibráðarhlaðborð ?? ef svo er máttu endilega segja mér hvernig það var og hvert var farið ;)

Stendur nefnilega til að skella sér út að borða þann 4.nóv og stefnan er tekin á villibráðina.. langar að sjá hvað fólk hefur um þessi hlaðborð að segja.. og ef þig langar að koma með þá bara endilega vera í bandi :)